Enter valid email address

Show Enter your password

Login
Login

Forgot your password?

Your Full Name

Enter valid email address.

Your Mobile Phone number

Show Your Password

Show Confirm Password

Create account

Close

नेपाल एयरलाइन्सको काठमाडौं-तुलसीपुर उडान सफल

नेपाल एयरलाइन्सको काठमाडौं-तुलसीपुर उडान सफल

एकसाता भित्र सेवा नियमित

१७ असोज, दाङ । दाङको तुलसीपुरस्थित टरिगाउँ विमानस्थलमा नेपाल वायुसेवा निगमले सफल परीक्षण उडान गरेको छ । अब एकसाताभित्र काठमाडौं-तुलसीपुर हवाई सेवा नियमित गर्ने निगमको तयारी छ ।

क्याप्टेन आङनुरी शेर्पाको समूहले मंगलबार विहान ११:२० मा पहिलो पटक र ११:३० मा दोस्रो पटक उडान परीक्षण गरेको थियो । दुवै पटकका परीक्षण सफल भएका छन् ।

उडान परीक्षण पश्चात क्याप्टेन शेर्पाले विमान सेवा सञ्चालनका लागि टरिगाउँ विमानस्थलमा कुनै समस्या नभएको बताउँदै दशै अगाडिबाटै नियमित उडान सुरु हुने बताए । ‘एक-दुई दिनमै प्राविधिक अध्ययन प्रतिवेदन नागरिक उड्डयन प्राधिकरणमा पेश हुन्छ र प्राधिकरणले एयरलाइन्सलाई जानकारी गराउने वित्तिकै उडान तालिका तयार हुन्छ,’ उनले भने ।

सम्पूर्ण प्रक्रिया पूरा हुनका लागि बढीमा एकसाता लाग्ने उनले जानकारी दिए । क्याप्टेन शेर्पाले टरिगाउँ विमानस्थलमा आफूले धावनमार्ग कच्ची हुँदा पनि विमान उडाएको बताउँदै अहिले धावन मार्गमा कुनै पनि समस्या नभएको बताए ।

पाइलट उद्धव घिमिरेले विमान नियमितका लागि इन्धनको समस्या रहेको बताउँदै इन्धनको व्यवस्था गर्न सके क्षमता अनुसार यात्रु ओसार्न सकिने बताए । ‘इन्धनका लागि केही सिटको व्यवस्था गर्नुपर्ने भएकाले क्षमता जति यात्रु बोक्न कठिनाई हुन्छ,’ उनले भने । १६ सिट क्षमताको विमान भएपनि १३ जना मात्र यात्रु ओसार्न सकिने उनले जानकारी दिए ।

निगमका इन्जिनियर विशाल पौडेलले रनवे राम्रो भएको बताउँदै विमान सञ्चालनका लागि कुनै पनि कठिनाई नभएको बताए । एक-दुई दिनमै प्राविधिक प्रतिवेदन प्राधिकरणमा बुझाउने बताउँदै इन्जिनियर पौडेलले दैनिक उडान आरम्भ भए इन्धन ट्याङ्करको व्यवस्था हुने बताए ।

तुलसीपुर विमानस्थललाई हेर्ने जिम्मा लिएको नेपालगञ्ज विमानस्थलका प्रमुख प्रेमनाथ ठाकुरले तत्कालका लागि साना जहाज चलाउन कुनै पनि प्राविधिक समस्या नरहेको बताए ।

विमानस्थललाई १२ सय ५० मिटरसम्म विस्तार गर्न सकिने प्राविधिक आधार रहेको बताए । उनले विमानस्थलका केही उपकरणहरु निर्माण गर्न आवश्यक रहेको बताउँदै तत्काल सबै सुधार गर्ने समेत बताए । नेपालगन्ज विमानस्थलवाट हुने उडानमा २० प्रतिशत जति दाङकै यात्रु हुने बताउँदै उनले टरिगाउँ विमानस्थलबाट ठूलै जहाज पनि दैनिक उडान गर्न सकिने बताए ।

तुलसीपुर उपमहानगरपालिकाका नगरप्रमुख घनश्याम पाण्डेले टरिगाउँ विमानस्थलमा दैनिक उडानका लागि मन्त्रालयमा कुराकानी भएको वताए । ‘मन्त्रीसँग कुरा भएको छ उहाँले दैनिक उडानका लागि पहल गर्ने बताउनु भएको छ,’ पाण्डेले भने । इन्धन डिपोका लागि समेत कुरा भएकाले विमानसेवा अब नियमित हुने उनले विश्वास व्यक्त गरे ।

Feature Property

Featured Sale रू १००,००० प्रति हात/-

Land in Sale

मणिग्राम ४ नम्बर , रुपन्दहि,प्रदेश ५

Looking to sell or rent your property?

Subscribe us and get latest news & update from Bizmilan